تاااااااااااااج

ربنا يسامحها ام احمد
بعتتلي تاج
و مطالبة اني اجاوب عليه
أولا : اذكر عشرة اشياء عن نفسك
ثانيا : اختر خمس اشخاص تهدى لهم التاج
ثالثا : لا تهدى التاج لمن اهداه اليك
رابعا : عرف اللى بعتلك التاج انك نزلته عندك

عشر اشياء؟؟؟ تقريبا هي عايزة تتنكد
اوك
هذا ما جنته ام احمد علي نفسها و لم يجنه عليها احد

اولا
ام احمد
لالا مش انتي
انا ام احمد برده الحمدلله و ربنا يخليهولي

ثانيا
مش متأكدة بس اهم ما يميزني ان اوفر شوية--او لاسعة علي حسب متختاري
يعني بتصرف بعنف هو مكنتش كدة الاول بس يعني المسؤليات

ثالثا:
عصبية لدرجة الجنون بس حابسة اعصابي في ديب فريزر رأسي

رابعا:
قنبلة موقوتة علي وشك الانفجار و ده شيء طبيعي اكيد نار اعصابي المحروقة حتسيح تلج الديب فريزر في يوم و تخلي كهربتوا تسيح و تنفجر

خامسا:
قلبي زمان كان ابيض دلوقتي كيكة رخام
يعني ايه؟
يعني لونين ابيض و اسود بس الابيض مساحش علي الاسود و بقي رمادي لأ
الابيض ابيض و الاسود و اسود و تعاملي مع الاشخاص علي حسب لون قلوبهم اللي بيبان ليا بسهولة و رغم ان الابيض يحتل مساحة 3/4 من قلبي الا ان اللون الاسود تاعبني اوي ربنا يقدرني و الاقي الكلور اللي يشيل بقع السواد دي

سادسا:
اللي في قلبي علي لساني
و دي كارثة قومية آنوية رهيبة مخسراني ناس كتير(ولو ان كل الناس اللي خسرتهم ميهمونيش و الحمدلله اني خسرتهم) الا ان برده معرفة الناس كنوز والمفروض اننا ندفع بالتي هي احسن بس انا معرفش ادفع الا بعد معرفهم رأيي في شخصيتهم
يلا ربنا يهديني

سابعا:
بحب النوم جدا علشان احلم و اقوم اكتب الاحلام اصدي احولها لقصص
علشان كدة دايما جوزي يقولي انتي لو سبتي الخيال شوية و نزلتي علي الارض حتبقي حكاية بس لما نزلت الارض نفسيتي تغبت فقررت ارجع احلم تاني و انااااااااااااامعلشان كدة انضميت لحزب الاحلام

لا ثامنا ولا تاسعا ولا عاشرا النوم كبس عليا و كمان مش لاقية حاجة اقلها تصبحوا علي خير
البس التاج لمين؟؟؟
لالالا مينفعش اصحابي ميهونوش عليا كفاية اللي هم فيه
تصبحوا علي خير
خخخخخخخخخخخخخخخخخخخخخخخخخخخخخخخخخخخخخخ